كتاباتى

غلطة عمر

حديث فراشه

فراشةٌ أستقرت على وسادتى

أيقظتنى بهمسها من غفوتى

بسؤالٍ كاد  يشعل   ثورتى

هل تحب  حقاً يافتى مخدعى

وهل يروق لك ألوان ستائرى

أراك تصلى دوماً فى معبدى

وتجوب بنظراتك أركان حجرتى

تدور كالنجوم فى فلك مجرتى

يامن نسجت لك خيوط   محبتى

ثوباً أزين به جمال أنوثتى

عشقتك وما كان الأمر بيدى

فأنت العشق وأنا منه أرتوى

فهل تفكر يوماً بهجران وسادتى

************

قلت وكيف أحيا بدونك فراشتى

خلقتى من ضلعى وأنا لكِ أحتوى

فأنا عاشق وبنار حبك أكتوى

أيهجر القلب قلبه وأعلن مقتلى

فبدونك الحياة عندى والموت يستوى

**************

قالت لكن عهدى  بالرجال  تخون

كل أنثى بكيت كان ورائها مجنون

يهذى بمعسول الكلام وبحبها مفتون

وفى النهاية تجد فى قلبها خنجرٌ مسنون

*****************

قلت لو عدمتى الثقة يوماً لن نكون

وشككِ   هذا  سيخلق   جُل  الظنون

يا أنثى الهوى لست بالرجل الذى يخون

فأنا الوفاء والأخلاص وعنوانهم أكون

إن كان بكِ شكٌ فأرحلى وودعى الظنون

فالحب إن ساوره الشك فلن يحيا ولن يكون

أنا و الأنا

ياخافقاً

خبرينى

أًريدك لى وحدى

أُريدك لى وحدى

فأنا بحبكِ مفتون

آغار عليكِ منى

فكيف من عشاقك أكون

همساتهم إليكِ تقتلنى

وأزداد منها فيكِ جنون

تسرين فى كل أوردتى

ونبض قلبى منكِ يكون

عشقتك وما كان الهوى عهدى

ولله فى خلقه شئون

لا تخافى صغيرتى وبوحى

فسرك فى صدرى مكنون

قولى أُحبك وأشعلى جنونى

فالصمت مفتاح الظنون

لا تجعلى الشك يراودنى

وأحسمى أمراً به مرهون

أحببتكِ ولم يزل عندى

كثيراٌ من الحب والجنون

فهل تعشقينى أنا وحدى

أم أنى سأبقى فى الشك مسجون

******************

محمد قمح

مراقب عام

منتديات الصيوان الأدبيه

زيارتكم تسرنا وتدخل البهجة بنفوسنا

التسجيل باللغه العربيه .لمن يريد

http://www.al9iwan.com/vb/showthread.php?t=2310#

عشقتينى

عشقتينى ولا دا وهمى

حقيقه ولا أنا بأهذى

رسالتك أثلجت صدرى

لكن خايف تتوهنى

ما بين اللفظ والمعنى

ظلام الشك فى دروبى

بيخنق لحظتى لفهمى

أخاف الوهم يقتلنى

وعقلى مش مصدقنى

وقلبى كمان محيرنى

ما بين شكى وبين يأسى

يا أجمل بسمه فى عمرى

ياكف حنون بيحضنى

فى حُبك بلتقى نفسى

فى بعُدك قلبى يهجرنى

حياتى كلها فيكى

وقلبى حبيبتى يفديكى

وعمرى يحرُسك منى

سؤالى حبيبتى جاوبينى

عشقتينى ولا دا وهمى

********************************

أعتذار للأصدقاء : عن التقصير حيث أننى ما زلت غير مستوعب

                         خصائص الموقع الجديده فى البحث عن مدوناتكم

محمد قمح

مراقب عام

منتديات الصيوان

ودعوه لكم .تسعدنا زيارتكم

http://www.al9iwan.com/vb/index.php?

بعضٌ من الهذيان

مجنونٌ أنا

ولن أفيق من جنونى

إلا إن رإيتك هنا

تقاسمينى لقمة خبزى

وتشربين الماء من كأسى

وتهمسين لى فى أذنى

أحبك أنت

************

*******

***

**

إن مررتى من هنا يوماً

وقرأتى هذا الهذيان

فلا تنزعجى

ولا تبتسمى

فأنا سأظل أنا

لا أجيد التعبير

ولا أريد التغيير

لكنى أهذى

******

***

**

*

أراكِ حُلماً يكتمل الأركان

فحُبكِ أصبح خارج دائرة الأحلام

تتدفقين فى أوردتى كالطوفان

فهل يأتى يوماً وتشاركيننى الأيام

أم أن ما أحياه نوعاً من الأوهام

وهل أصدق ما جائتنى به الأحلام

أم أننى ما ذلت أعيش فى الهذيان

**************

************

*******

***

أشتقت اطعم شفاهكِ على كأسى

فخمرى لم يعد له مزاق

لم يعد يُسكرنى

بصمات شفاهك على حافة كأسى

هى ما كانت تُسكرنى

هى ما كنت من أجلها أهذى

وأنا أشتقت حبيبتى لهذا الهذيان

فهل تمنحينى بعضاٌ منه

ياصاحب ذاك البيت الأبيض

الست ذكيه ( 10 )

بعد ما صلينا الجمعه ورجعت طوالى على البيت أتغديت وشربت الشاى وقلت فى نفسى ياواد أفتح جهازك وأدخل على النت شويه نعرف أخبار العالم وأنا لسه يدوب راح أسمى وسمعت أصوات فى الشارع وطلعت على طول أجرى أشوف أيه أصل الموضوع وحكايته وألقيلك المخفيه ذكيه ماشيه بتهتف وتقول والنسوان بترد وراها . أصحى يامسلم يالا وشوف دا كرامتك فضحوها على المكشوف . الأقصى أهو بيهدوه وفضلك تانى أيه ياموكوس . ياأولمرت يابوز النمله من قال لك تعمل دى العمله . وشاورت لها تيجى شويه أعرف منها ايه حكايتها . بعد ساعه ويمكن أكتر ولقيت قدامى قدرى ذكيه وتقولى عايزنى تانى ليه هو أنت ياسيدى مش بعت خلاص القضيه وبقيت زى الخايفين ما تسبنا يافندى لحالنا شويه هما خلاص مش سجنوا كريم صاحب المدونه أربع سنين ودا كان أنذار للمدونيين ودخلتوا جحوركم زى الفيران المذعورين * وحياة أهلك طولة لسان مش عايزين وقلة أدبك مش ناقصين هو أنتى خلاص ياوليه علشان بعتنالك بس شويه راح تيجى تيجى كمان وتطولى فى لسانك أتلمى ياجزمه قديمه بدل ما أمسح بكرامتك دى الصاله * ليه هو أحنا عاد لينا كرامه تمسح بيها ولا تنشف تف من بقك ياراجل إذا كان الأقصى قبلتنا الأولى بيهدوه أولاد صهيون الأقصى ياعم الأستاذ إلى دا صلى فيه السول وأم جميع الأنبياء بيهدوه الكفره الأوغاد علشان هيكل مزعوم ما لو آثار والعرب المسلمين نايمين وبخمرة الخيبة مسطولين فاضل لنا أيه نبكى عليه ياماسكين بيقتلو فى البشر وبيهدو بيوت ومصانع وأحنا ساكتين لكن كمان يهدمو رمز الدين ونفضل برضو ساكتين طب بالزمه ياناس والدين لو جت ست العرب أسرائيل وقالت لزعيم أو لملك إلى على الكراسى قاعدين هيكلنا المزعوم ياحبيبى تحت قصرك وأحنا من هنا مش ماشين هنهدوه على راس إلى قاعدين كان راح يسكت ويقول لهم آمين ولا ينادى فى شعبه الأهبل ويقوم جيشه المسطول ويقول دى كرامة دوله ياماسكين ما بالكم دا الأقصى ياعالم وأنتو أتنين مليار من المسلمين . طب شعب فلسطين غلبان بيدافع عنه بحجاره وأصحاب السلطه متخاصمين بيقتلوا فى بعض على كرسى وزاره وكل شويه قال أيه عاملين مؤتمر للصلح ما بينهم ونسوا الأقصى والقدس وفلسطين تولع ياراجل بس يكون لهم وزاره والنبى دى مش تبقى خيبه وحاله فيها أستحاله هو زمن الرجاله خلاص ولى وراح ولا أيه الحكايه من الأساس ولا كمان العراق إلى بقت بحر من الدم وكل يوم بيموت فيها ميات وبرضوا من نفس الشعب وجنود الأمريكان نازلين نهب وسلب وأغتصابات للأعراض ومعاها القوه الأمنيه للبيه المالكى وأنصاره قال هما كمان عرفوا يغتصبوا النسوان وحكاية بنتنا صابرين إلى أغتصبوها تلات مجانين من القوه الأمنيه ولما أشتكت البنيه على القنوات الفضائيه أمر المالكى قال أيه بالتحقيق وبعد يومين من البجاسه ظهر الباشا على التلفزيون بيقول البت دى بتدعى وبتشوه صورة القوه الأمنيه وبكل بساطه وعدم مراعيه لمشاعر الناس سلم التلات حراس أوسمه شجاعه ؟؟؟ طيب تقول أيه فى الخيبه دى وتقولى كرامه يافندى دى فضيحه وحياة ربك ياأخى ماحدش يجيلك فى كرامه ولا يعزيك فى شرف . ولا إلى بيحصل فى لبنان من نزاع على السلطة والكراسى وبدل ما يتحولوا للأعمار نازلين فى بعض زى المنشار تلويث سمعه وكأنه هذار ودا كله برضوا علشان كرسى العرش الله يخرب بيت السلطه وكرسى الحكم وبقينا نسمع أخبار وحكايات عن أن نصر الله بقى زعيم الشيعه وعايز ينشر هذا المذهب وأتهموه [انه خومينى جديد وأنه كمان بيجر أسرائيي لحرب جديده ودا كله علشان يهدوه نسيوا أنه إلى عمل للعرب قيمه فى يوم من بعد تلاته وسبعين وحقولك أيه بس يافندى عن بوش والنيه السوده إلى ضاميرها لسوريا وأيران وكمان وراهم السودان وسياسة بقت مكشوفه ولا حد من العرب بيقول تلت التلاته كام هيا الناس بقت بارده كدا ليه والدم أتجمد فى عروقها ولا خبتنا أحنا الداخليه والهم الى معدناش عارفينه حيودينا لفين يدونا جنيه بيمنهم وياخدوه عشره من المساكين فى السعر الى عمال بيزيد وبدون قوانين تحكم طمع التجار والبلد عماله يوم ورا يوم تنهار والشعب بقى محتار حيجيب الأكل منين بيبيعوا كل أصولها حتى شركات الأدويه والشعب ياعينى غلبان مهموم من كتر العيشه الى تطفح ماهى برضو دى سياسه ذكيه يجهدوا حالتنا الأقتصاديه علشان نبعد عنهم بالأفكار ونطالبو بحقوقنا يا فندى ولا نسألشى فلوس الخصصه بتروح فين وأدى كمان من كام يوم طرحو فكرة بيع مبانى الجامعه بأسكندريه أعرق جامعه فى الشرق الأوسط ودى بصراحه يافندى ياغالى محتاجة صفحه بحالها لأن الخيبه حتبقى تقيله وتعالى أهمسلك فى ودانك عن خيبه أكبر وأكبر * بس خلاص كدا ياغراب البين ولمى لسانك بقى حبتين أنا غلطان وعايز ضرب الجزمه ما كنت خلاص مرتاح من شكلك ياوليه دى توبه عاد أبعتلك أو اقول لك حتى صباح الخير

************************************

أخى دكتور محمود رجب سعدت بمرورك وتعليقك على هذيان عاشق

ودعنى اليوم أقدم لك الست ذكيه فهى لم تمت ولن تمت لأنها مصريه

بل عربيه تحس بما يحسه العرب ولن تسكت يوماً حتى ترى أسترداد

كرامتنا والعوده إلى حضارتنا وقوميتنا التى أفتقدناها

لك منى السلام والتحيه  

هذيان عاشق

العشق اللامحدود يؤرقنى

يقتلنى آلاف المرات

يتوغل داخل أوردتى

أمواجاُ بل هى ذرات

لا يعطى الحق لسيطرتى

كى أنجو منه لساعات

حُبك يا أنثى العشق يداهمنى

يتراكم فى قلبى قطرات

قانون الحُب يعذبنى

أبحث فيه عن ثغرات

لم أجد فيه سوى أملى

فى البُعد وقتل النبضات

حُبك أكبر منى بلا جدوى

فعزابى تحكمه المسافات

لكنى بحُبك أنا أهذى

فمن منا لا تؤلمه الآهات

حلمى لوصالك يشطرنى

نصفاٌ للبٌعد ونصفاٌ للآت

من منهم يكتسب عطفى

والقلب لا ينتظر تكهُنات

إن كنتى قرأتى هذيانى

فأجيبى. هل هى سقطات 

إنى أشتاقك

إنى أشتاقك سيدتى فلحُبك زيدينى

فالشوق الجارف لحنانكِ يزيدُ لهيبى

إنى أترنح عشقاً فبخمر شفاهكِ أروينى

فالخصر الناغم بدلاله يعشقنى ويغرينى

وبريق عينيكِ يقتلنى مراتٌ ثم يحينى

ضُمينى بزراعيكِ النحلى وأعتصرينى

فأنا طفلاٌ فى مهد الحب فأحتوينى

أجهل ما بين النهدين والكعبين فدلينى

وأنا طوع يمينك خاضعاٌ فإهدينى

فأنا سيدتى متعجل لمراحل تكوينى

إشعلى جسدى ناراً ولا ترحمينى

فشوقى إليكِ منذ بدء الخلق يكوينى

على وسادتك الحريرية بأنفاسك إشعلينى

وبعطرك الفرنسىِ تحت غطاءُك كفنينى

فأكملى ما بدأتيه معى ولا تعذبينى

وإن لم يكن أدبى يُخجلنى فقومينى

فأنا لا أعشق إلاكى فلا تهجرينى

إليها

إليها لمن فُطم الفؤاد على حُبها

لمن نثرت حروفى لعشق قلبها

وتواترت أنباء عشقى فى كل دروبها

أذوب فيها ونار الشوق تزُفنى إليها

وقلبى الخفاق لا ينبض إلا بسميها

مكحولة العينين تسعد الدنيا لبسمتها

تتوه جزيئات كيانى لسماع تغريدُها

أرانى صريع الهوى فى ضوء عينيها

أطير فى دنيا السرور إن لامست جديلتهُا

وقوامها الغزلانى يبهرنى ويزيد من أنوثتها

يهتز قلب الأرض فرحاً برشاقة خطوتها

تتلألأ النجوم طرباً ونغماً لرؤيتها

تلك محبوبتى من جاءت الأحلام لى بصورتها

وسأبحث عنها فى أرجاء الأرض قبل الموت حزناً عليها 

جاءت تُذكرنى

جاءت إلى سمراء عاصبة الجبين

رأيت فى عينيها صورتى وأنا طفلاٌ وليد

مرسوماٌ على شفاها بسمةٌ يملؤها الحنين

فاهت ألا تتذكرنى حبيبى العنيد

يامن كنت لى الدنيا وعشقى الوحيد

أنا من نظمت فيها قصيدتك الحب الفريد

أنا أول فتاة طبعت على فاهك قبلة الحب المديد

أنا أول حضنً أعتصر فينا حب السنين

أنا الخصر الذى ضممته بعنفوانك الشديد

أنا من وهبتك يوماً كل ما تريد

قُلت يافتاتى لقد أعتلى الرأس المشيب

أنهكنا فعل الزمان وأصبحنا له عبيد

تداعت الدنيا علينا والقلب أصبح على وشك الوئيد

أتذكرينى بعد ما هم العمر إلى الرحيل

ألستِ من وئد الحُب بعد سريانه فى الوريد

ألم يكن ذاك الحُب يكفى لتلقى به فى الحضيض

أم أن بلورة عشقك أكتشفت ما هو جديد

فألقيتى بمن رواكى الحب فى ثلة الماضى السحيق

أذهبى من حيث أتيتى فليس من شأنى ألتقات الحديد

فقد محوتكِ من ذاكرتى ولست أنا منكِ بقريب

أنتحار صوره ( قصه قصيره )

جاءت جلستى بأتوبيس العذاب الذى يمتلئ بالركاب وكأننا معبأين بعلبة سردين لا يسمع أحدنا الآخر إلا بصعوبة بالغه لكثرة الضوضاء والهرج والمرج داخل سيادته . بجوار رجل مسن يعتلى الشيب رأسه بكاملها نحيل الجسد ملابسه تدل على أنه كان موظف بسيط قبل بلوغه السن القانونيه وكان يجلس فى صمت مدقع

وعيناه زائغتان بين ركاب الأتوبيس الذين تلاحمت أجسادهم بطول الطرقه وكانهم فى يوم الحشر العظيم وكأن الرجل كان يفكر فى الطريقه التى سينزل بها من هذا الأتوبيس عندما يصل المحطه . وأستوقفنى شئ لافت للنظر بأن الرجل يخرج يده اليسرى من النافذة ممسكاً بشئ ما فأمعنت النظر لأجد بيده صورة كبيره الحجم

 ومغلفة بورقة صفراء اللون وحينها لم أتمالك فضولى وبادرته

بسؤالى . وما الذى بيدك ياوالدى ولماذا تضعها هكذا ولم تضعها هنا بالداخل فابتسم أبتسامة خفيفه ظهر عليها الأعياء وقال هذه صورتى يابنى بعذ أن بلغت من العمر أرذله كما ترى لقد قمت بتكبيرها وبروزتها خصيصاً لهذا اليوم فتبسمت سائلاً أياه وهل اليوم عيد ميلادك ياوالدى كل عام وانت بخير فنظر لى محدقاً بعيناه والبسمة تعلو شفتاه لا يابنى فلم أعد أتذكر يوم ميلادى كل ما اعرفه أننى بلغت السادسه والسبعون منذ متى الله أعلم فأنا

لا أهتم باليوم والشهر ولم أحتفل بيوم المجيئ لهذه الدنيا التى حملتنى بأكثر مما أطيق أما اليوم فهو مرور أسبوع على مولد حفيدى الثالث لولدى الذى تبقى لى فى هذه الدنيا بعد وفاة أبنائى

الأثنين فى ريعان شبابهم ووفاة زوجتى حزناً عليهم وهذه الصوره سأتركها لحفيدى هذا ليتعرف على جده ويرى صورته فإنى أشعر بقرب الأجل يترائى أمام عيناى وفجأه وبدون سابق إنذار وجدنا أنفسنا نرتطم بالمقاعد التى أمامنا نتيجة الفرمله القويه للأتوبيس ثم يندفع للأمام مرة أخرى فنجد أنفسنا وقد أعتدلنا فى حركة فجائيه ووجدت العجوز يصرخ وفى حاله هستيريه وتداركت بان الصوره سقطت من يده فطللت مسرعاً من النافذه لأجد الصوره على مسافة بعيده وقد تناثر زجاجها على الأرض وتمزقت بكاملها نتيجة سقوطها تحت أطارات الاتوبيس الخلفيه وكذا مرور السيارات المتدافعه فى الطريق فقلت للعجوز لا تهتم ياوالدى فذاك نصيبها ويمكنك عمل غيرها فى يوماً آخر فوضع يده التى ترتجف وكأنها فى حالة تشنج عصبى على يدى وهو يهمس بصوت متقطع يملئه الحزن وعينان تجول على مقلتيها الدموع . لا تتركنى يابنى فإنت طيب القلب عنوان منزلى ببطاقتى التى أحملها أرجوك لا تتركنى وأبلغ أبنى بأن يسمى حفيدى هذا على أسمى فهذا الحفيد شاء القدر أن يحرمه من جده كما حرمه الآن من صورتى والقى برأسه إلى الوراء على مسند المقعد وسكن كل شئ فى جسد الرجل وأصبحت يده كقطعة الثلج بيدى فقد لفظ أنفاسه الأخيره وفاضت روحه إلى خالقها

تمت

همسات جريحه

يا نفس مالكِ والأنين

تتألمين وتؤلمين

أما لكى من عاصم اليوم

من ذاك الحزن الدفين

ألا تبتعدى عنه وتكفين

أما آن لكى أن تهدئين

لما البكاء من أوجاع السنين

وقد عاهدت فيكى الصبر

وكنتى دائماً من الراضيين

حقاً أوجاعك تداعت على القلب المُهان

آهاتك ملئت سُكناى والدمع ضنين

على حظاً عثر وأحلامً ضيعتها السنين

دنيا الحبيب فيها يخون والصديق علينا يجور

وسوق النخاسة يفتح الباب العتيق

وكلنا فيها عبيد

نباع ونشترى بثمنً زهيد

دنيا رافضةٌ من له الصدق صديق

تعطى كل ما لديها لأفاكِ عظيم

فهل نحن نحيا أم بالبطئ نموت

إحترت فيك يازمن الصغار

فلم يعد لنا فيك نصيب

تلبيه لدعوة الصديق محمد شرتاى

بدايةً أتوجه بالشكر العميق لأخى وصديقى محمد آدم شرتاى على دعوته الكريمه

للإجابه على أسئلته التى فاجئنى بها وها أنا أُلبى دعوته وأُجيب وأتمنى أن أكون

ضيفاً خفيفاً على قلوبكم (ولا يدعو على أحد بدعوه تجيب أجلى ) نبدأ                        بسم الله الرحمن الرحيم

                           من هو خلفة المؤمنين الذى له وقع أثر خاص فى حياتك ؟ ولماذا

الخليفه عمر بن الخطاب رضى الله عنه لأنه أول من عمل بالتقويم الهجرى

وكان مثالاً نادراً للذهد والورع وكان يفرق بين الحق والباطل ولا يخاف فى الله

لومة لائم ولذا لقب بالفاروق وهو الذى تمنى إسلامه النبى صلى الله عليه وسلم

بدعاءه الشهير اللهم أعز الإسلام بأحد العُمرين

دوله عربيه / إسلاميه تتمنى زيارتها

المملكه العربيه السعوديه

متى بدأت الكتابه ومن هو الذى شجعك ؟ ومن الذى أثر فى أسلوبك

أثناء المرحله الجامعيه     - من كتبت فيها أول قصيده

 كثيراً ممن قرأت لهم

 هوايتك        - أكلتك-    فنانك-    فريقك المفضل

القراءه والشطرنج - اللحوم- أم كلثوم فى الغناء -عبد المنعم مدبولى التمثيل

الزمااااااااااااااااااااااااالك

مدونات لها وقع خاص فى نفسك

المدونات الصديقه التى أحرص على زيارتها وأنتظر زيارة أصحابها

رأيك فى مدونات الجنس اللطيف ؟ وأسلوبهن

لا فرق عندى بين المدونات ما يهمنى الماده التى تنشر وقيمتها الأدبيه

لا أعتقد أن هناك فارق بين الأسلوب النسائى والذكورى ولكن المرأه اقدر

فى التأثير بما تملكه من مقومات حسيه

من أين جاءت فكرة الست ذكيه

عندما أردت مناقشة الأوضاع العربيه والسلبيات التى نعيشها وكنت أكتب مقالاً

بعبارت جامده لغوياً تحمل مصطلحات قد لا يهضمها البعض وكنت أشاهد قاه فضائيه

تعرض برنامج حوارى لفت نظرى الضيفه وهى تقول هذه أمرأه ذكيه تعرف حقوقها

وعلى الفور مزقت المقال وبدأت أحاور نفسى وكأنى أرى الست الذكيه

أشياء تعجبك فى المرأه

أعشق المرأه الذكيه المثقفه العاقله - المرأه المعطاءه - الصوت الهادئ - البسمه

 ثم أذوب فى المرأه أثناء ضعفها لأنى أعرف ان الضعف أوج القوه لديها

أين تجد نفسك فى الشعر العاطفى ؟ أم فى خربشة الست ذكيه

فى الشعر العاطفى لأنه يكون نتاج معاناه داخليه وتأثيرات لا تقاوم

فهو بمثابة حالة مخاض بكل ما فيها من آلام لظهور مولود جديد

فى أول مقالة لك فى مدونتك كتبت سامحنى يا قلمى

ما هو التغير الذى حدث لك عندما أستبدلت القلم بالكيبورد ؟

كطفل صغير فقد لعبته المفضله وأرتباك شديد فى الكتابه

ماذا تقول للأخت نانى أول من كتب تعليق فى مدونتك عام2006 م

صديقتى العزيزه أترقب أطلالتك بشغف فلا تحرمينا منها

ماذا تقول للأخ الفيلسوف آخر من كتب تعليق فى مدونتك عام2006 م

هو يعلم ما أكنه له من مشاعر ( حبيب قلبى) وبطل تطلعلى لسانك

أكتب كلمه واحده أمام كل أسم

ولو أن ذلك صعب ياسى محمد وكلمه واحده لا تكفى لكن نحاول

الأخ الأستاذ / محمود                    الملاك

الأخت / سحايه بيضا                     العقل

الأخت / رندا                              الوديعه

الأخت /أمل الحياه                        الفراشه

الأخت/ ساره                            الكرامه

د. محمود رجب                          العظيم

الأحت / نبيله غنيم                      الأستاذه

الأخ / صبرى مسامير                   الثائر

الأخت / سندريلا                       الجميله( أفتقدها )؟

الأخ / محمد شرتاى                  العشق

الأخت شهد الحياه                    الأمل

الأخت/ شمس.همسة وفاء              البريئه

أمنيه تتمنى تحقيقها على المستوى الشخصى والمستوى العام

المستوى الشخصى . الحج وزيارة بيت الله الحرام

المستوى العام . توحد الأمه العربيه وأستعادة أمجادها التى أندثرت

سؤال توقعت أن أسأل ولم أفعل

حرام عليك ياراجل هرتنى أساله دى الرحمه حلوه برضو

عموماً هو كم يكون عمرك الآن وبصراحه طلعت جدع الى مسألتوش

لأنى مكنتش حجاوبك هههههههههههه

دومتم بكل ود

محمد قمح

الست ذكيه ( 9 )

بعد صلاة الجمعه وزنى عقلى الخايب أعدى على المنيله ذكيه أسئل عليها يمكن تكون عيانه ولا أتنيلت ماتت وأنا نايم على ودانى معلمش . رنيت جرس الباب وقلت ياواد لو طلع لك عيل من العيال أسئله عليها وأمشى علطول لكن بقى من بختى المايل وحظى الأسود هيا إلى طلعتلى * ياأهلاً بالغالى أبن الغاليه نوارة الحته تصدق بالله ياراجل القلوب عند بعضها أنا كنت لسه بفكر أجيلك نفضفض مع بعض شويه أبن حلال والنبى دى خطوه عزيزه يا حبيبنا ياغالى بت ياسماح أعملى للفندى فنجان قهوه يابت مظبوطه وأوعى يامقهوره على شباب أمك تبوظى الوش بتاعها علشان الباشا يتكيف ويتظبط ويسمعنا شويه * لا وحياة أهلك أنا مش ناقص وجع دماغ وقلة مزاج وعكننه على الفاضى أحنا مش قولنا بلاها سياسه وطلقناها بالتلاته أنتى عارفه آخر نبأ بيقول أنهم قبضين على تلاتين مدون من أصحاب المدونات والعمليه شايطه مع الحكومات علشان عايزين يعملوا عليها رقابه فبدل ما أقل أدبى عليكى وأطول فى لسانى لمى الدور وخليكى محترمه ولو مره واحده فى حياتك * الله الله على المثقفين الجبناء والخوافين الضعفاء وقال ايه أصحاب قلم حر وفكر مستنير ونفسهم فى وطن عربى متوحد ويبقى كلمه واحده طيب أذاى ياحبوب والفئه المثقفه والمتعلمه عايزين يبقوا مجرد فيران ونعام وحيوانات أليفه سبتوا أيه للجهله بقى ما تدبحوهم فى يوم عيد كبير ذى ما عملوا مع الريس صدام وأهو أدبح المربوط يخاف السايب والنبى له حق سى بوش ينهش فى لحمنا ويربى لنا الخفيف هيا رسالته فى صدام خوفتكوا يامذاليل أنتم وربالكم الرعب وكل واحد حط على فُمه كمامه لما عدموا الراجل يوم عيد وقبل الصلاه ذى خروف العيد وقال لكم أدى آخرة إلى ما يسمعش كلام ماما أمريكا والماكى افندى يأجل العيد لتانى يوم علشان السنه يكون أحتفالها بالعيد مع الدبيحه شفتوا أهانه للمسلمين أكتر من كده وتفريق بين السنه والشيعه أكتر من كده وقال أيه عايزين مصالحه وطنيه بأمارة أيه مش عارفه وهو دا العراق الجديد إلى قالت عليه أمريكا وصدقوها الهبل جت تنهب فى البترول وخير البلد وسلطتهم على بعض علشان يقتلوا بعضهم وبعيد عنهم انت عارف يافندى كام عراقى ماتوا السنه إلى فاتت بس أتناشر ألف عراقى ولسه سى بوش العظيم راح يبعت عشرين ألف جندى تعزيز للقوات فى العراق يبقى دا ناوى يسيب البلد ويرحل وتبقى دى الديقراطيه إلى بتطالب بيها أمريكا وعايزه العراق تبنى نفسها جتكم ستين نيله ياعرب دا انتو جرب مش عرب ما قلنا لكم هو شنها حرب صليبيه على المسلمين مش مصدقين طيب أهو بسلامته دفع أثيوبيا لضرب قوات المحاكم الأسلاميه فى الصومال وبيقضى عليهم هو وأثيوبيا إلى مش لاقيه تاكل ومشعللها نار هناك وضرب الجنوب بالطيران وبعت أمبارح حاملة الطيران أيزنهاور علشان تكون محطه تدك باقى الاسلاميين فى الصومال يعنى حيقعد هناك لغاية ما يخلص على الأسلاميين وينهب حبة البترول إلى ظهروا هناك ولا حد من الوطن الأسلامى فتح بوقه بكلمه والدور على السودان وبعدها أيران ولو أن المناوشات بدأت بالهجوم على القنصليه الأيرانيه فى أربيل بالعراق وخدوا كل الناس الى فيها والمستندات يارجل دا من كرههم للمسلمين مطلعين لعبه الكترونيه اسمها يوم القيامه وإلى يقتل أكتر عدد من المسلمين ياخد جايزه ومسميين كل الأعداء فى اللعبه بأسماء عربيه شوفت الغل والكراهيه وصلت حتى للألعاب وهيا الخيبه الى فى فلسطين والحرب الى بين فتح ورئيسها والى متمسكين بأتفاقية أوسلو وشايفين ان فيها الحل وبين حماس الى مش معترفه بأسرائيل مش الحرب دى من تدبير اسرائيل وأمريكا علشان يقعوا فى بعض ويسيبوا ست المنطقه أسرائيل تعمل زى ما هى عايزه والشعب ياكل زلط ياكل نفسه مش مهم أدى حماس وفتح كله بيدور على السلطه وتولع فلسطين على دماغ الغلابه ماهما قالو زمان أولها فلس وآخرها طين وهو دا الطين بحق وحقيق . وكمان زى ما هنا برضو هناك فى لبنان لسه الخيبه زى ما هيا والمعارضه نازله الشارع وكل يوم بتزود الوتيره والحكومه مش حتتنازل عن مكانها وان شاء الله حتقوم الحرب الأهليه قريب لأن الحكومه متمسكه بموقفها مدعومه من الغرب وبعض الدول العربيه والمعارضه متمسكه هيا كمان بموقفها وحالفه لتسقط الحكومه ومن خريه لطوبه ياقلبى لا تحزن وأنا مش عارفه الجامعه العربيه بتعمل ايه ولزمتها ايه ليه ما تعملش قمه طارئه اجباريه وتاخد موقف ويكون ملزم لجميع الأطراف ولا يفكوها وأهو المقر بتاعها ينفع صالة أفراح وفندق خمس نجوم ويجيب دخل والله بلا وكسه وخيبه وقلة حبايب وياحسره علينا فى مصر الأحزاب عماله تاكل فى بعضها على أيه مش عارفه قال التعديلات الدستوريه شاغلين بالهم بحاجات وهميه وكلهم عايزين تعديل الماده 77 ليه محناش عارفين طيب ما يعدلوها بحيث يسيبوا الريس فى الحكم طوال مدة الحياه والتعديل يكون مثلاً أعطاء رئيس الوزارا معظم الصلاحيات وهو الى يتغير كل اربع سنين بأنتخابات برضو ويفضوها سيره هو يعنى التعديل حيوكل الشعب ويلبسهم ويوظف العاطلين وسايبين الأسعار لما بقت نار والى بيسرق بيسرق والى بيشحت والى ماشى يدوب بالعافيه ما يحلو المشاكل دى الأول وبعدين يدورو على التعديل ولا حكاية المفاعل النووى الى محتارين على مكان ليه مع أن المكان موجود ومجهز وسمعنا قال ايه ان السبب * بس هش ياحماره ياجزمه قديمه لغاية هنا وكفايه بقى أنت حتلخبطى أبو قرش على أبو جنيه وحتدخلى فى المسائل الى ما يجيش من وراها غير المتاعب سدى بقك دا بدل ما أجى أليسه ليكى بطينه ما هو أنا أبن كلب جزمه إلى جيت لغاية عندك كنت روحت أتغديت ونمت شويه كان أحسن * أيوه عليك يافندى دايماً محمرق كده وتفور ذى القهوه لما تنحط على نار جامده شويه أدينى أتنيلت بستين نيله على عينى وعين أهلى وسكت منك لله ياولدى لو كنت علمتنى كنت كتبت الى عايزاه بنفسى ولا الحوجه لمتعلم خواف . خايف من أيه قال ضربوا الأعور على عينه قال هيا خسرانه خسرانه والضرب فى الميت حرام وأحنا أيه غير ميتين ماشين على رجليهم ياخويا بلا خيبه على رأى البت نانى ياترى أحنا نستحق الحياه ولا الحياه منستهلهاش ولها حق ترفضنا وصحيح مدام أحنا مش عايزين ننهض ويبقالنا دور فى الحياه بنعيش ليه دا أحنا نستهلوا أكتر من كدا ذل وهوان وربنا يخيب الخايب لما تستعجب القوى

خطوط العمر

 خطوط العمر مرسومه

فى لوحة رسم مبتوره

ومحفوره فى وجدانى

  بنقراها فى أحلامى

وخط حياتى قدامى

ملوش ملمح ملوش معنى

بنبضة قلب هلكانه

بتتصارع مع حدودها

بتنحت معنى لوجودها

وشريان الأمل ضايع

ما بين الماضى والآتى

وسكه تايهه فى العتمه

يتوه العقل فى دروبها

نزيف وجعى يبللها

تجدد فيا أحزانى

وتفتح جرحى من تانى

لا حضن حنون يلملمها

ولا أيد للدمعه تنشفها

وحيد وفى دنيا كدابه

تلاوعنى أصدقها

وتهجرنى أنا أعشقها

وأطمع يوم فى ترويضها

ترجع بسمتى تانى

ويرقص قلبى من تانى

على نغمه لضحكتها 

شكراً بوش رسالتكم وصلت

إعدام الرئيس السابق صدام حسين صبيحة يوم عيد الأضحى المبارك وفى هذا التوقيت بالذات رساله واضحه لا ريب فيها فقد أردت مشاركة المسلمين جميعاً عيدهم الأكبر وهو العيد الذى ينحر فيه المسلمون ذبائحهم تيمناً وعملاً بقول الله وفديناه بكبش عظيم والقصه التى يعرفها كل مسلم فكان دورك اللئيم وفكرك الغربى المعادى للمسلمين بأن تقدم ضحيتك الغراء فى هذا اليوم العظيم شنق صدام مشاركةً منك ومن تابعك نورى المالكى للأحتفال بالعيد أن يكون قربانكم للأمه المسلمه هو هذا الرجل وبالطبع لتكون فرصه ذهبيه لضرب المصالحه الوطنيه المزعومه بين طوائف الشعب العراقى وخصوصاً السنه التى منها صدام نفسه وبين الشيعه التى تكره صدام فى الأساس ولكى تكون رساله واضحه للزعماء العرب بأن من تسول له نفسه ويحاول الخروج عن طوع أمريكا أو يهدد أمن ربيبتها أسرائيل يكون هو الضحيه القادمه أن شاء الله . وبصرف النظر عن أعدام صدام لأرتكابه الجرائم والمحاكمه الصوريه التى حُكم بها وأنه لم يمنح جميع الحقوق فى نقض الحكم فى قضيه لم تكن تمثل شيئاً بالنسبه لما فعله صدام من غزو بلد عربى وتخريبها مثل الكويت ودخول حروب مع أيران أفنى فيها الكثير من العراقين وكانت هذه القضايا أولى بالمحاكمه وبرغم كل شئ إلا أنه لم يستحق التنفيذ للأعدام فى ذلك اليوم وفى ذات التوقيت ولكن فكركم الغربى وعدائكم للمسلمين الواضح هو الذى دفعكم لهذا العمل . وليت المسلمين والحكام العرب يعرفونكم على حقيقتكم فقد يكون فى هذا تغيير لما نحن فيه وأخيراً أقول لكم رسالتكم وصلت وهى واضحه للعيان وكان الله فى عون شعب العراق والأمه الغافله عما يجرى فى دهاليز بيتكم الأبيض من مكائد للمسلمين وحسبنا الله ونعم الوكيل

حلم أميره المقتول

الكرامه ياعرب

الكرامه ياعرب مش بالكلام

والخضوع للعدو ذُل وهوان

مش كلمه بيقولها شاعر فى الصيوان

ولا خُطبه لزعيم نايم فى حُضن الأمريكان

دى معادله صعبه محتاجه للشجعان

عباس وهنيه طلعوا مش تمام ذى العيال

فتح وحماس ماشين وراهم كما العميان

بدل الكلام أصبح رصاص وأغتيال

دى حكومه أصبح قتلها عبره لكل جبان

بتفضل السلطه على مصالح الغلبان

والشعب تايه فى فقره وعزله فى كل مكان

ويافرحة أسرائيل جالهم خلافهم على الطبطاب

عباس وفرحان بدعم اليهود والساده الأمريكان

وهنيه له فى الكرسى شوق وتولع بعدها فلسطين

وحرب أهليه على الأبواب وحتكون نذير الشوم

ما تفوقوا ياغجر وتخلوا فى عروقكم شوية دم

ينبض ولو مره بأسم القدس

ياقدس ما فى غيور كما صلاح الدين

وآدى عباس وأسماعيل هيضيعوكى ليوم الدين

وكل العرب بقوا فى الجحور نايمين

لو نانسى قالت آه يقولوا عليها الله

وزياده نص كمان 

أغضب كما تشاءُ

إغضب كما تشاءُ

فبُعدك عنى حبيبى هراءُ

فأنا الماء لك والضياءُ

فكيف تتنفس بدونى الهواءُ

إغضب كما تشاءُ

حطم كؤوس الهوا وأنثرها هباءُ

إلقى زهور العشق من الإناءُ

إقصف سنون أقلامى وأمنعها من البراءُ

فلن يفيدك غضباٌ أو بكاءُ

إغضب كما تشاءُ

إعرف غيرى كما تشاءُ

ستعود أكيد لى بدون عناءُ

فرحيق شفاهى لن يمحوه جفاءُ

لمسات أناملى على الجسد شفاءُ

ودفئ حُضنى ملاذك كل شتاءُ

حروف بوحى لروحك غذاءُ

وقلبك الخفاق لى فيه دماءُ

وأنت تعرف هذا فلما الشقاءُ

لما الغضب. أم أن ذاك نوعاٌ من الدهاءُ

إغضب كما تشاءُ

وأهجر حروفى كما تشاءُ

فإن كنت للداء دواءُ

فسأُدمن الداء ولن أرجو الدواءُ

فلتغضب كما تشاءُ

همومى كعربى

مالك ياقلمى

رافضنى بمشاعرى

رافضنى بحواسى

وعاصى لأوامرى

عشان الحقيقه بتكبر فى عقلى

بتنهش فى جسمى

تكسر عظامى

تدغدغ لى فكرى

تسيطر عليا فكرة جنونى

فى حبى لبقائى

وحب أنتحارى

دى فكره بريئه لشخص أنهزامى

همومى كعربى ملوش حل تانى

يا أما أبوح بغضبى فى كلامى

يا أما يا صاحبى يكون أنتحارى

عراقنا وراحت ضحيه لبوش العدائى

فلسطين بينهش عيالها الكلب اليهودى

ولبنان حترحل بأيد الأفاعى

وباقى دوالنا بتنعس على دراع أمريكانى

لا فيها صلاح ولا حتى ناصر أو عرابى

يفكرهم بإن أمهاتنا ولدتنا أحرارا

وكل إلى فيها نانسى وهيفا وتامر حبيبى

وخايف ياقلمى لتكتب كلامى

ياخدنا حبيبنا لسجن إلى عاصى

همومنا وكلامنا بيطلع فاشوشى

لا فيه حد يسمع ويوزن كلامى

ولا نقدر نعيش فى الوضع إلى ماشى

ياريتك يا صاحبى ويا كل صاحب تقولى

يا عاقل ؟ مفيش حل تانى

محمد قمح

خربشه على جدران الخوف

بتنهارى ياأحلامى

على عتبة سنين عمرى

لمين أشكى

لمين نوحى

ما بين صمتى

وبين بوحى

بتقتلنى عذاباتى

ومركب همى ضغطانى

أملاها وتملانى

ورافضه ترك شطآنى

جدران خوفى تحطمنى

تقيد بوحى ولسانى

وعمرى خلاص هرب منى

لا فيه ماضى ولا آتى

ياريت ذاكرتى تضيع منى

تنسينى فى يوم أسمى

وحتى ذكرى ميلادى

ياخوف ليه بتسكنى

وبين جدرانك بتسجنى

متُهجرنى وتنسانى

وتتركنى بقى لقدرى

وأنا راضى بمكتوبلى

ما يمكن ربى يخرجنى

من المحنه إلى سكنانى

تخطيت مرحله الأنبهار

ياأجمل من فى الكون من نساء

يازهرة الياسمين التى لا يمسها إنسان

كى لا تزبل لها أوراق

يا لوحة الجمال التى تبهر ناظرى العشاق

ياشمسً تشع بدفئها فى برد الشتاء

يا من سجد الجمال لعينيها شاكراً الخلاق

أنتى عندى كل هذا بل أكثر من ذاك

ولكنى صغيرتى تخطيت مرحلة الأنبهار

وأقتحامكِ لقلبى لن يضيف لكِ أنتصار

فإعلمى يامن تجهلين الأغوار

أن ذاك القلب محاطاً بأسواراُ من نار

مصفداً بشفرةٌ ليس لها مسار

ملقاةً فى محيطٌ ليس له قرار

فإن كنتى عاقلةٌ فعليكى بالفرار

أما الجنون صغيرتى فنهايته إنكسار

فأحتكمى للعقل وأحسنى الأختيار

فقد تكون النهايه لكى هى الدمار

الست ذكيه (8 )

رن جرس البيت وطلعت فتحت الباب ويارتنى ما كنت فتحته ولا أصلاً كنت رديت أتاريها البلوه ذكيه * هو أنتى ياوش الشوم أيه جابك تانى ياوليه مش كنا خُلصنا من دى السيره وأرتحنا من وش البومه وقفلنا على المواضيع الخربانه وطلقنا أمورنا السياسيه حنعكوا بقى من تانى وحنفتح ملفاتنا الوسخه * دى مقابله برضو يا راجل بعد المده الطويله ديه طب قول أتفضلى ياذكيه وبلاش وحشتينى ياوليه . دا أحنا من عشرين رمضان لا شوفتك ولا حتى عيدت عليا يخونك الكعك والشاى * طيب خشى وأترزعى فى الصاله وأنا حعملك كباية الشاى بس ياجزمه لو تفتحى بقك راح يبقى نهارك أسود من وشك . آدى كباية الشاى أشربى يالا وفرقينا علشان ما يجيش اليوم إلى بيها تعايرينا * هههه أنا بضحك وياك يالفندى ما تكنش ليه طويل البال وتوسع صدرك لذكيه دنا بغلى كدا من كام يوم وخايفه أجيلك تكرُشنى النبى على قلبك تسمعنى وبلاش لكلامى تقاطعنى دنا أصلاً راح أفرقع من جنبى وكتماه جوايا وساكته * طب قولى يابت الهبله أنا عارف أخرتها معاكى كان يوم أسود يوم ما عرفتك ما هى أصل الدنيا بدل ما تضحكلى وتبعتلى مُزه لذيذه تبعتلى مصيبه زيك تعكرلى مزاج أهلى * دى كلمه فى الأول أحب أقولها للغبى بوشبش إلى أستعجل على حكم صدام كان فاكر قال من خيبته أن دا فى صالح الأنتخابات أهو ضيع حزبه بفعله وقال الأمريكان كلمتهم دى رساله واضحه مش أكتر أن سياسة الحرب دى ملعونه ومرفوضه وحيجى بعد السنتين إلى فاضلين يتحاكم كمجرم حرب لأنه أنهى شعب كان أعظم شعوب المنطقه بحالها وألف فتنه ياعالم تنتهى أمته وأهو القتلى بالميات وفيها أنفلات أمنى محدش عارف مين مع مين ومين قاتل ومين مقتول وعلشان تكمل القصه أصدر وزير الداخليه العراقى قرار بأعتقال رئيس هيئة علماء المسلمين ودا طبعاً راجل سُنى والسنه مش راح تسكت والشيعه حترد ضرورى دا غير فرق الموت والقاعده دى حاجه بقت غم فى غم وآدى لبنان هيا التانيه من بعد نصر كبير على الجبناء الصهاينه أتفرقوا تانى الأحباب وأصبحوا أعداء وفشلت جلسات تشاورهم وكان صفرهم أكبر من صفر المونديال دا عايز يحل الحكومه ويقول دى عميله والحكومه تتهم المعاضه بالفوضى والطمع فى الحكم وتعطيل المحاكمه الدوليه والشارع اللبنانى أصبح نار وجحيم وحتكون حرب أهليه ولسه حنشوف ياما ولبنان صدقنى حتخرب لأن الكل بيدور على مصلحه شخصيه وآدى المقدمه ظهرت فى أغتيال وزير الصناعه وهو دا فتيل الأزمه الحقيقيه أما الأخوه فى فلسطين دا صراع داير ما بين السلطه وحماس ومشاكل يامه بين هنيه وعباس بقى لهم شهر مش عارفين يكونوا حكومه وطنيه وأسرائيل لاقيه الفرصه قتل ومجازر وتشريد دا غير الفقر والجوع والدول الأوربيه ومعاها زعبات الأحزاب بيرددوا إن سوريا وايران هما إلى ورا كل الأغتيالات فى لبنان والخيبه الحاصله فى فلسطين على أساس أيه محناش عارفين والدول العربيه شبعانه شخير وفى العسل الأمريكانى بقوا نايمين والكل أيه بيغنى بحبك ياحمار وبعزك ياحمار وبزعل أوى لما حد يقولك ياحمار . حد يسيب الورد والفل والياسمين ويغنى للحمار . وتعالى بقى وقولى من أمتى يافندى كان الحجاب مثار للجدل والقيل والقال ولما وزيرنا الفنان يطلع ويقول أن الحجاب رمز للتخلف ورجوع للخلف دا يبقى كلام ولما زنقوه أخوانا بعض المشايخ وكمان الأخوان وطالبوه بالأعتذار قال فى قناة الجزيره اللئيمه دا رأى شخصى وهما بيهجمونى كدا ليه وكأنى بقوض أركان الأسلام الأربعه مش دى فضيحه لما وزير مش عارف أركان الأسلام كام ركن طيب أى فريضه مش عارفين خصخصوها ورفعوها من الأركان والنبى لو عندى لباس غير إلى عليا لكنت قلعته وشلشلت بيه شويه وكتبت يافته وعلقتها على حنطور وألف بيها وآدور على الخيبه الجديده بتاعة الحجاب ديه هما البهوات إلى بيدعوا ويمنعوا النقاب ولا الحجاب من المصالح والجامعات عايزين أيه بالظبط عايزين البنات والنسوان ترجع تلبس ميكروجيب وبلوزه سواريه ولا يمشوا بقميص النوم علشان تبقى البلد فى تقدم وتذدهر الحضاره ونبقوا شعب سوبر وفريش ومحفلط ونكون زى الغرب ونسوانها وتبقى البلد كلتها زى نص البلد تانى يوم العيد وبدل مايبقى تحرش يبقى صريح وفى أى مكان وياسلام بقى لو جابولنا طن لبان من أسرائيل من إلى بينشط الحريمات ويوزعوا مجاناً على شبابنا العاطل إلى ملوش وظيفه كام قرص فياجرا كمان . تبقى اللعبه اهى كملت والحريه ميه الميه وأنت يافندى طلعلك بقى بطاقة تموين علشان الحكايه لو كملت حيوزعوا عليها المُزز المضروبه ويبقى ياسعدك ياهناك لو خدت واحده مهيش حامل علشان حوسة النسب أياها وساعتها تطلع الست الدكتوره نوال السعداوى وتقول أنسبوا الواد لأمه وأهو يبقى تامر ابن سعاد وهيثم ابن امانى ياناس خلو عندكم دم وفوقوا بقى لأمور الدين دا حجاب البت فريضه ودى حريه شخصيه ياهوه وبالاش نحُض على الرزيله وكفانا بقى نوم دى مراكز التنصير أنتشرت وبقت آفه فى كل مكان دا حتى الأغرب من كدا يابيه * بس بقى ياوليه يامخروبة البيت هو انتى مشبعتيش كلام بلسانك إلى عايز قطعه ما تغورى من وشى ياشيخه أنا أصلاً مش فايق ليكى ولا لكلامك الخايب كرهتينى فى عيشتى ياجزمه وكرهتينى فى أسم ذكيه

       مع تحياتى

محمد قمح 

الطير المجروح (بقية حديث)

أنا قلت ياطير والدمعه سبقانى

الدنيا هى الكون أيامها متداوله

لا تظلم يوم ولا تحرم

بدون أمر خالقها

دا ربك هو مانح النعمه

وهو برضو إلى يسلبها

لو صبرت أجرت ياصاحبى

ولو ما تصبُر كفرت بالنعمه

وأمرُه كدا أو كدا نافذ

لو كان حب ضاع فى يوم حيتعوض

****

أبتسم والدمعه ع الجفن تتمرجح

عذابى عمره ما كان فى الحب ياصاحبى

دا جرحى من عذاب الدنيا مش أكتر

نزيفُه مش دم ياعمى لكنه معنى جوايا

حرمانى من طيرانى بيألمنى

مكتفنى مسلسلنى دا شالل حتى أفكارى

وصبر سنينى من كُتره نفذ منى

ودا عمره ما كان أعتراض منى

على حكمه أرادها الله ويعلمها

لكنه البوح فى لحظة ضعف ياصاحبى

لما الهموم تكتر على إلى شايلها

مش قلتلك جرحى ما تحس بيه أنت ولا غيرك

والسجن دا سجنى ما يفتحه غيرى

هو الصمت ولا البوح يكون أفضل

لما العذاب يزداد ويستفحل

أقولك بقى . سبنى أنا لصمتى

أداوى جرحى أنا بيدى

أصالح دنيتى بنفسى

وأمسح دمعتى بأيدى

راح أقتل كلمتى يمكن

أو أخنُق بوحى فى صدرى

وإن الكلام من فضه

يبقى السكوت من ماس

*******************************

عاشق الصمت

فى زمن كله كلام

والفعل فيه صمت

محمد قمح

الطير المجروح

دنا إنسان

مخنوقه يانفسى

مسجونه فى جسمى

لا ليل يريحنى

ونهارى يجرحنى

ودمعى بيعصانى

****

يادنيا ليه خونتى

ضيعتى أيامى

وسبتى الجرح فى قلبى

نزيفُه يهوانى

وألمُه بيألمنى

على دنيا مخصمانى

***

دى كلمة آه بتوجعنى

وحزنى دا محاوطنى

يزلزلنى بيعصرنى

بيخلق فيا شئ تانى

**

حتى أنت ياقلمى

مدادك غيروه تانى

وحرفى ليه بيقتلنى

وأنا فى عز أحلامى

دنا إنسان